“Flamenqo”nun müdafiəçisi Pablo Mari mövsümün sonuna qədər icarə əsasında “Arsenal”da çıxış edəcək.

Bu barədə London klubunun rəsmi saytı məlumat yayıb. Qeyd edək ki, Arteta “topçular”ın “sükanı arxası”na keçəndən sonra bu klubun ilk transferidir. Maraqlıdır ki, Mari 2009-cu ildən “Arsenal”ın transfer etdiyi ilk solaxay mərkəz müdafiəçisidir. Marinin ötən ilin yayında “Mançester Siti”dən “Flamenqo”ya transfer olunduğunu da xatırladaq. O, mançesterlilərin heyətində yalnız bir oyunda meydana çıxmışdı.

Brzailiya klubunda isə 26 yaşlı ispaniyalı futbolçu 30 oyunda 3 qol vurmağı bacarmışdı. O, Rio de Janeyro klubu ilə Libertadores kubokunu və Braziliya çempionluğunu qazanmışdı.